قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №7-1/347

2015 جىلعى 20 ءساۋىر,  استانا قالاسى ەكسپورتتاۋشىلاردى (يمپورتتاۋشىلاردى) قوسا العاندا, جانۋارلار ءوسىرۋدى, جانۋارلاردى جانە جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جۇزەگە اسىرۋ, سونداي-اق جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ ۆەتەريناريالىق نورماتيۆتەرگە سايكەستىگىن ايقىنداۋ قاعيدالارىن بەكىتۋ تۋرالى «ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسى زاڭىنىڭ 23-بابىنىڭ 4-تارماعىنا سايكەس بۇيىرامىن: 1. قوسا بەرىلىپ وتىرعان ەكسپورتتاۋشىلاردى (يمپورتتاۋشىلاردى) قوسا العاندا, جانۋارلار ءوسىرۋدى, جانۋارلاردى جانە جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جۇزەگە اسىرۋ, سونداي-اق جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ ۆەتەريناريالىق نورماتيۆتەرگە سايكەستىگىن ايقىنداۋ قاعيدالارى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ۆەتەريناريا جانە تاماق قاۋىپسىزدىگى دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىنا باقىلاۋ جەتەكشىلىك ەتەتىن قازاقستان رەسپۋبليكاسىنىڭ اۋىل شارۋاشىلىعى ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ. «كەلىسىلگەن» قازاقستان رەسپۋبليكاسىنىڭ ۇلتتىق ەكونوميكا ءمينيسترى ________________ ە.دوساەۆ 2015 جىلعى 8 ماۋسىم قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 20 ساۋىردەگى № 7-1/347 بۇيرىعىمەن بەكىتىلگەن ەكسپورتتاۋشىلاردى (يمپورتتاۋشىلاردى) قوسا العاندا, جانۋارلار ءوسىرۋدى, جانۋارلاردى جانە جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەك­تىلەرىندە مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جۇزەگە اسىرۋ, سونداي-اق جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ ۆەتەريناريالىق نورماتيۆتەرگە سايكەستىگىن ايقىنداۋ قاعيدالارى 1. جالپى ەرەجەلەر 1. وسى ەكسپورتتاۋشىلاردى (يمپورتتاۋشىلاردى) قوسا العاندا, جانۋارلار ءوسىرۋدى, جانۋارلاردى جانە جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جۇزەگە اسىرۋ, سونداي-اق جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ ۆەتەريناريالىق نورماتيۆتەرگە سايكەستىگىن ايقىنداۋ قاعيدالارى (بۇدان ءارى – قاعيدالار) «ۆەتەريناريا تۋرالى» 2002 جىلعى 10 شىلدەدەگى قازاقستان رەسپۋبليكاسى زاڭىنىڭ (بۇدان ءارى – زاڭ) 23-بابىنىڭ 4-تارماعىنا سايكەس ازىرلەندى جانە ەكسپورتتاۋشىلاردى (يمپورتتاۋشىلاردى) قوسا العاندا, جانۋارلار ءوسىرۋدى, جانۋارلاردى جانە جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە مەملەكەتتىك ۆەتەريناريالىق-سانيتاريالىق باقىلاۋدى جانە قاداعالاۋدى جۇزەگە اسىرۋ, سونداي-اق جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ ۆەتەريناريالىق نورماتيۆتەرگە سايكەستىگىن ايقىنداۋ ءتارتىبىن انىقتايدى. 2. مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ (بۇدان ءارى – باقىلاۋ) تەكسەرۋ نىسانىندا جانە وزگە دە نىسانداردا جۇزەگە اسىرىلادى. تەكسەرۋ «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» 2011 جىلعى 6 قاڭتارداعى قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى, مەملەكەتتىك باقىلاۋ جانە قاداعالاۋدىڭ وزگە نىساندارى زاڭعا سايكەس جۇزەگە اسىرىلادى. باقىلاۋدى مەملەكەتتىك ۆەتەريناريالىق-سانيتاريالىق ينسپەكتورلار (بۇدان ءارى – ۆەتەريناريالىق ينسپەكتور) جانە مەملەكەتتىك ۆەتەريناريالىق دارىگەرلەر (بۇدان ءارى – ۆەتەريناريالىق دارىگەر) جۇزەگە اسىرادى. 3. ۆەتەريناريالىق ينسپەكتور ەكسپورتتاۋشىلاردى (يمپورتتاۋشىلاردى) قوسا العاندا, جانۋارلار ءوسىرۋدى, جانۋارلاردى جانە جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە باقىلاۋدى جۇزەگە اسىرادى. ەكسپورتتاۋشىلاردى باقىلاۋ يمپورتتاۋشى ەلدەردىڭ ۆەتەريناريالىق زاڭنامالارىنىڭ تالاپتارىنا سايكەس جۇزەگە اسىرىلادى. 4 ۆەتەريناريالىق دارىگەر جانۋارلار ءوسىرۋ, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋ (سويۋ), ساقتاۋ, قايتا وڭدەۋ جانە وتكىزۋ وبەكتىلەرىندە باقىلاۋدى جۇزەگە اسىرادى (يمپورتپەن جانە ەكسپورتپەن بايلانىستىلاردى قوسپاعاندا). 5. تەكسەرۋ وبەكتىسىنە كەلگەننەن كەيىن ۆەتەريناريالىق ينسپەكتور, ۆەتەريناريالىق دارىگەر: كاسىپورىننىڭ قىزمەت تۇرىنە, سحەما-جوسپارىنا, ءوندىرىستىڭ تەحنولوگيالىق سحەماسىنا; ءوندىرىس كولەمىنە جانە ءونىمدى ساتۋعا; وندىرىلەتىن ءونىمنىڭ قاۋىپسىزدىگىن قامتاماسىز ەتۋ جونىندەگى وندىرىستىك (مەملەكەتتىك) باقىلاۋدىڭ بولۋىنا جانە جۇزەگە اسىرىلۋىنا; باقىلاۋ وبەكتىسىنىڭ ورنالاسۋ ورنىنىڭ اكىمشىلىك اۋماعىنىڭ جانە شيكىزات ايماعىنىڭ ەپيزووتيالىق قولايلىلىعىنا; اۋماقتى, عيماراتتاردى, قۇرىلىستاردى جوسپارلاۋدىڭ جانە تەكسەرۋ وبەكتىسىنىڭ تەحنولوگيالىق ءۇي-جايلارىنىڭ ۇسىنىلعان قۇجاتتارعا سايكەستىگىنە; زاڭنىڭ 8-بابىنىڭ 45) تارماقشاسىنا سايكەس بەكىتىلەتىن ۆەتەريناريالىق ەسەپكە الۋمەن ەسەپتىلىكتى جۇرگىزۋ, ۇسىنۋ قاعيدالارىنا سايكەس ۆەتەريناريالىق ەسپەكە الۋدى جۇرگىزۋگە جانە ەسەپتىلىكتى ۇسىنۋعا قاتىستى قۇجاتتاردى زەردەلەيدى. 6. ەكسپورتتاۋشىلاردى (يمپورتتاۋشىلاردى) قوسا العاندا, جانۋارلار ءوسىرۋدى, جانۋارلاردى جانە جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ ۆەتەريناريالىق نورماتيۆتەرگە سايكەستىگىن ايقىنداۋ زاڭنىڭ 11-بابى 1-تارماعىنىڭ 2) جانە 3) تارماقشالارىنا سايكەس قۇرىلعان مەملەكەتتىك ۆەتەريناريالىق مەكەمەلەرمەن, ۆەتەريناريالىق-سانيتاريالىق ساراپتاۋ زەرتحانالارىمەن, زەرتحانالىق زەرتتەۋلەر كەشەنىمەن جانۋارلاردىڭ جانە جانۋارلاردان الىناتىن ونىمدەر مەن شيكىزاتتىڭ سايكەستىگىن ايقىنداۋ بويىنشا وندىرىستىك باقىلاۋ بولىمشەلەرىمەن جۇزەگە اسىرىلادى. 2. جانۋارلار ءوسىرۋدى, جانۋارلاردى جانە جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندەگى باقىلاۋ 1-پاراگراف. جانۋارلار ءوسىرۋدى جۇزەگە اسىراتىن ءوندىرىس وبەكتىلەرىندەگى باقىلاۋ 7. جانۋارلار ءوسىرۋدى جۇزەگە اسىراتىن ءوندىرىس وبەكتىلەرىندە ۆەتەريناريالىق ينسپەكتور, ۆەتەريناريالىق دارىگەر: 1) زاڭنىڭ 8-بابىنىڭ 46-1) تارماقشاسىنا سايكەس بەكىتىلەتىن جانۋارلاردى ءوسىرۋدى, وتكىزۋدى جۇزەگە اسىراتىن ءوندىرىس وبەكتىلەرىنە قويىلاتىن ۆەتەريناريالىق (ۆەتەريناريالىق-سانيتاريالىق) تالاپتاردىڭ ساقتالۋىن; 2) قازاقستان رەسپۋبليكاسى اۋىل شارۋاشىلىعى ءمينيسترىنىڭ 2012 جىلعى 28 ناۋرىزداعى № 18-03/128 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7583 تىركەلگەن) بەكىتىلگەن جانۋارلاردىڭ شەكتەۋ iس-شارالارى نەمەسە كارانتين بەلگiلەنەتiن جۇقپالى اۋرۋلارىنىڭ تiزبەلەرiنە كىرگەن اۋرۋلاردىڭ مىندەتتى ۆەتەريناريالىق ءىس-شارالاردىڭ ورىندالۋىن جانە زاڭنىڭ 8-بابىنىڭ 9) تارماقشاسىنا سايكەس بەكىتىلەتىن ۆەتەريناريالىق (ۆەتەريناريالىق-سانيتاريالىق) قاعيدالاردىڭ (بۇدان ءارى – ۆەتسانقاعيدالار) تالاپتارىنىڭ ساقتالۋىن; 3) باقىلاۋ وبەكتىلەرىنىڭ, باقىلاۋ وبەكتىسى اۋماعىنىڭ ۆەتەريناريالىق-سانيتاريالىق جاي-كۇيىنىڭ 2011 جىلعى 9 جەلتوقسانداعى №880 كەدەن وداعى كوميسسياسىنىڭ شەشىمىمەن بەكىتىلگەن «تاماق ونىمدەرى قاۋىپسىزدىگى تۋرالى», ەۋرازيالىق ەكونوميكالىق كوميسسيا كەڭەسىنىڭ 2013 جىلعى 9 قازانداعى № 68 شەشىمىمەن قابىلدانعان «ەت جانە ەت ونىمدەرى قاۋىپسىزدىگى تۋرالى», ەۋرازيالىق ەكونوميكالىق كوميسسيا كەڭەسىنىڭ 2013 جىلى 9 قازانداعى № 67 شەشىمىمەن قابىلدانعان «ءسۇت جانە ءسۇت ونىمدەرى قاۋىپسىزدىگى تۋرالى» تەحنيكالىق رەگلامەنتتەردىڭ تالاپتارىنا (بۇدان ءارى – تەحنيكالىق رەگلامەنتتەر) سايكەستىگىن; 4) قازاقستان رەسپۋبليكاسى اۋىل شارۋاشىلىعى ءمينيسترىنىڭ 2014 جىلعى 30 جەلتوقسانداعى № 7-1/700 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10223 تىركەلگەن) بەكىتىلگەن جانۋارلاردى كارانتيندەۋ قاعيدالارىنا سايكەس جاڭادان كەلىپ تۇسكەن, اكەلىنگەن, ساتىپ الىنعان, اكەتىلەتىن, ورنى اۋىستىرىلاتىن جانۋارلاردى كارانتيندەۋ ءتارتىبىن; 5) قازاقستان رەسپۋبليكاسى اۋىل شارۋاشىلىعى ءمينيسترىنىڭ 2014 جىلعى 27 قاراشاداعى № 7-1/619 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10028 تىركەلگەن) بەكىتىلگەن دەزينفەكتسيا, دەزينسەكتسيا, دەراتيزاتسيا جۇرگىزۋ قاعيدالارىنا (بۇدان ارى–دەزقاعيدالار) جانە ۆەتسانقاعيدالارعا سايكەس باقىلاۋ وبەكتىسىنىڭ مال شارۋاشىلىعى ءۇي-جايلارىنا دەزينفەكتسيا, دەراتيزاتسيا, دەزينسەكتسيا جۇرگىزۋدى ۇيىمداستىرۋىن; 6) قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 23 قاڭتارداعى № 7-1/31 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10505 تىركەلگەن) بەكىتىلەتىن ۆەتەريناريالىق پرەپاراتتار, جەمشوپ قوسپالارىن مەملەكەتتىك تىركەۋدى جۇرگىزۋ قاعيدالارىنا سايكەس تىركەلگەن ۆەتەريناريادا قولدانىلاتىن دارىلىك زاتتار مەن, جەمشوپ قوسپالارىنىڭ پايدالانۋىن تەكسەرەدى. 2-پاراگراف. جانۋارلاردى دايىنداۋدى (سويۋدى) جۇزەگە اسىراتىن ءوندىرىس وبەكتىلەرىندەگى باقىلاۋ 8. جانۋارلاردى دايىنداۋدى (سويۋدى) جۇزەگە اسىراتىن ءوندىرىس وبەكتىلەرىندە ۆەتەريناريالىق ينسپەكتور, ۆەتەريناريالىق دارىگەر: 1) زاڭنىڭ 8-بابىنىڭ 46-2) تارماقشاسىنا سايكەس بەكىتىلەتىن جانۋارلاردان الىناتىن ءونىم مەن شيكىزاتتى دايىنداۋدى (جانۋارلاردى سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىنە قويىلاتىن ۆەتەريناريالىق (ۆەتەريناريالىق-سانيتاريالىق) تالاپتاردىڭ ورىندالۋىن; 2) زاڭنىڭ 8-بابىنىڭ 46-4) تارماقشاسىنا سايكەس بەكىتىلەتىن ۆەتەريناريالىق قۇجاتتاردى بەرۋ قاعيدالارىنا جانە ولاردىڭ بلانكىلەرىنە قويىلاتىن تالاپتارعا (بۇدان ءارى – بەرۋ قاعيدالارى) سايكەس باقىلاۋ وبەكتىلەرى شىعاراتىن دايىنداۋعا (سويۋعا) كەلىپ تۇسەتىن جانۋارلارعا جانۋارلاردان الىناتىن ونىمدەر مەن شيكىزاتقا بەرىلەتىن ۆەتەريناريالىق قۇجاتتاردى; 3) زاڭنىڭ 8-بابىنىڭ 46-11) تارماقشاسىنا سايكەس بەكىتىلەتىن بيولوگيالىق قالدىقتاردى كادەگە جاراتۋدى, جويۋدى جۇرگىزۋ قاعيدالارىنا سايكەس بيولوگيالىق قالدىقتاردى كادەگە جاراتۋدى نەمەسە جويۋدى جۇرگىزۋ شارتتارىن; 4) ۆەتسانقاعيدالارعا سايكەس سويۋعا جاتاتىن جانۋارلاردى قابىلداۋ جانە ءتۇسىرۋدى جۇزەگە اسىرۋ شارتتارىن; 5) ۆەتسانقاعيدالارعا سايكەس سويۋ الدىندا كۇتىپ-ۇستاۋ ورىندارىنىڭ ۆەتەريناريالىق-سانيتاريالىق جاي-كۇيىن, سويۋعا تۇسكەن جانۋارلاردى قاراۋ جانە ولاردى سويۋعا نەمەسە سانيتاريالىق قاساپحاناعا جىبەرۋ ءتارتىبىن; 6) دەزقاعيدالارعا جانە ۆەتسانقاعيدالارعا سايكەس باقىلاۋ وبەكتىسىنىڭ اۋماعىنا, ءۇي-جايلارىنا, قۇرالدارىنا, ارنايى كولىك قۇرالدارىنا دەزينفەكتسيا, دەزينسەكتسيا جانە دەراتيزاتسيا جۇرگىزۋدى ۇيىمداستىرۋىن; 7) ۆەتسانقاعيدالار جانە تەحنيكالىق رەگلامەنتتەرگە سايكەس باقىلاۋ جانە قاداعالاۋ وبەكتىلەرىن, تەحنولوگيالىق جانە توڭازىتقىش جابدىقتىڭ, وندىرىستىك جانە قويما ءۇي-جايلارىنىڭ, توڭازىتقىش پەن مۇزداتقىش كامەرالاردىڭ, مۇكاممالدىڭ, سونداي-اق باقىلاۋ وبەكتىسى اۋماعىنىڭ ۆەتەريناريالىق-سانيتاريالىق جاي-كۇيىن; 8) ۆەتسانقاعيدالارعا جانە تەحنيكالىق رەگلامەنتتەرگە سايكەس جانۋارلاردان الىناتىن ونىمدەرمەن شيكىزاتتاردى قابىلداۋ جانە توڭازىتقىش پەن مۇزداتقىش كامەرالاردا ساقتاۋ شارتتارىن; 9) ۆەتسانقاعيدالارعا سايكەس سويىلعان ونىمدەرگە (باستارعا, ۇشالارعا جانە ورگاندارعا) سويۋدان كەيىنگى ۆەتەريناريالىق-سانيتاريالىق ساراپتاۋ جۇرگىزۋ ءتارتىبىن; 10) ۆەتسانقاعيدالارعا سايكەس ۆەتەريناريالىق-سانيتاريالىق ساراپتاۋ قورىتىندىسى بويىنشا ەتتى تاڭبالاۋدى; 11) ءوندىرىس وبەكتىسىنىڭ اكىمشىلىگى قۇرعان وندىرىستىك باقىلاۋ بولىمشەلەرىنىڭ بولۋىن; 12) وندىرىستىك باقىلاۋ بولىمشەلەرىنىڭ جانۋارلاردىڭ ۆەتەريناريالىق نورماتيۆتەرگە سايكەستىگىن انىقتاۋ ءتارتىبىن; 13) بار بولعان جاعدايدا, ءونىمنىڭ ساپاسىن جانە قاۋىپسىزدىگىن باقىلاۋ جۇيەلەرىنىڭ Hazard Analysis and Critical Control Points (ناسسر), International Organization for Standardization (ISO), Good Manufacturing Practice (GMP ) جۇمىس ىستەۋىن تەكسەرەدى. 3-پاراگراف. جانۋارلاردان الىناتىن ونىمدەر مەن شيكىزاتتاردى ساقتاۋدى جۇزەگە اسىراتىن ءوندىرىس وبەكتىلەرىندەگى باقىلاۋ 9. جانۋارلاردان الىناتىن ونىمدەر مەن شيكىزاتتاردى ساقتاۋدى جۇزەگە اسىراتىن ءوندىرىس وبەكتىلەرىندە ۆەتەريناريالىق ينسپەكتور, ۆەتەريناريالىق دارىگەر: 1)تەحنيكالىق رەگلامەنتتەرگە جانە ۆەتسانقاعيدالارعا سايكەس جانۋارلاردان الىناتىن ونىمدەر مەن شيكىزاتتاردى ساقتاۋ جانە تاسىمالداۋ شارتتارىنىڭ جانە رەجيمدەرىنىڭ ساقتالۋىن; 2) باقىلاۋ وبەكتىلەرىنىڭ باقىلاۋ-ولشەۋ قۇرالدارىمەن جابدىقتالۋىن; 3) جانۋارلاردان الىناتىن ونىمدەر مەن شيكىزاتتاردى ساقتاۋعا ارنالعان بولەك توڭازىتقىش پەن مۇزداتقىش كامەرالاردىڭ بولۋىن; 4) جانۋارلاردان الىناتىن ونىمدەر مەن شيكىزاتتاردى, دايىن ءونىمدى, ازىق-ت ۇلىككە جاتپايتىن ءونىمدى, ىدىستى ساقتاۋدى ۇيىمداستىرۋدى; 5) ۆەتسانقاعيدالارعا سايكەس دەزينفەكتسيالىق توسقاۋلداردىڭ بولۋىن جانە جاي-كۇيىن; 6) ۆەتسانقاعيدالارعا جانە دەزقاعيدالارعا سايكەس توڭازىتقىش ءۇي-جايلارعا جانە كولىك قۇرالدارىنا دەزينفەكتسيا, دەزينسەكتسيا جانە دەراتيزاتسيا جۇرگىزۋدى ۇيىمداستىرۋىن; 7) تەحنيكالىق رەگلامەنتتەردە بەلگىلەنگەن جانۋارلاردان الىناتىن ونىمدەر مەن شيكىزاتتاردى ۋاقىتشا ساقتاۋ جانە تيەۋ كەزىندە تەمپەراتۋرالىق-ىلعالدىق رەجيمدەرىن; 8) بەرۋ قاعيدالارىنا سايكەس جانۋارلاردان الىناتىن ونىمدەر مەن شيكىزاتتاردى تيەگەن (تۇسىرگەن) جانە تاسىمالداعان كەزدە ۆەتەريناريالىق قۇجاتتاردى تەكسەرەدى. 4-پاراگراف. جانۋارلاردان الىناتىن ونىمدەر مەن شيكىزاتتى قايتا وڭدەۋدى جۇزەگە اسىراتىن ءوندىرىس وبەكتىلەرىندەگى باقىلاۋ 10. جانۋارلاردان الىناتىن ونىمدەر مەن شيكىزاتتى قايتا وڭدەۋدى جۇزەگە اسىراتىن ءوندىرىس وبەكتىلەرىندە ۆەتەريناريالىق ينسپەكتور, ۆەتەريناريالىق دارىگەر: 1) بەرۋ قاعيدالارىنا سايكەس قايتا وڭدەۋگە تۇسەتىن جانۋارلاردان الىناتىن ونىمدەر مەن شيكىزاتتارعا ۆەتەريناريالىق قۇجاتتاردى; 2) شىعارىلاتىن جانۋارلاردان الىناتىن ونىمدەر مەن شيكىزاتتىڭ كولەمىن جانە اسسورتيمەنتىن; 3) تەحنيكالىق رەگلامەنتتەردىڭ تالاپتارىنا سايكەس باقىلاۋ وبەكتىلەرىنىڭ, تەحنولوگيالىق جانە توڭازىتقىش جابدىقتىڭ, وندىرىستىك جانە قويما ءۇي-جايلارىنىڭ, توڭازىتقىش پەن مۇزداتقىش كامەرالاردىڭ, مۇكاممالدىڭ, سونداي-اق باقىلاۋ وبەكتىسى اۋماعىنىڭ ۆەتەريناريالىق-سانيتاريالىق جاي-كۇيىن; 4) ۆەتسانقاعيدالارعا جانە دەزقاعيدالارعا سايكەس وندىرىستىك ءۇي-جايلارعا, تەحنولوگيالىق جابدىققا, مۇكاممالعا, ىدىستارعا دەزينفەكتسيا, دەزينسەكتسيا جانە دەريتيزاتسيا جۇرگىزۋدى ۇيىمداستىرۋىن; 5) ءوندىرىس وبەكتىسىنىڭ اكىمشىلىگى قۇرعان وندىرىستىك باقىلاۋ بولىمشەلەرىنىڭ بولۋىن; 6) وندىرىستىك باقىلاۋ بولىمشەلەرىنىڭ جانۋارلاردان الىناتىن ونىمدەر مەن شيكىزاتتىڭ ۆەتەريناريالىق نورماتيۆتەرگە سايكەستىگىن انىقتاۋ ءتارتىبىن; 7) بار بولعان جاعدايدا ءونىمنىڭ ساپاسىن جانە قاۋىپسىزدىگىن باقىلاۋ جۇيەلەرىنىڭ Hazard Analysis and Critical Control Points (ناسسر), International Organization for Standardization (ISO), Good Manufacturing Practice (GMP ) جۇمىس ىستەۋىن تەكسەرەدى. 5-پاراگراف. جانۋارلاردى, جانۋارلاردان الىناتىن ونىمدەر مەن شيكىزاتتى وتكىزۋدى جۇزەگە اسىراتىن ءوندىرىس وبەكتىلەرىندەگى باقىلاۋ 11. جانۋارلاردى, جانۋارلاردان الىناتىن ونىمدەر مەن شيكىزاتتى وتكىزۋدى جۇزەگە اسىراتىن ءوندىرىس وبەكتىلەرىندە ۆەتەريناريالىق ينسپەكتور, ۆەتەريناريالىق دارىگەر: 1) جانۋارلاردى, جانۋارلاردان الىناتىن ونىمدەر مەن شيكىزاتتىڭ ولاردىڭ شىعۋ تەگىن, ساپاسىن جانە قاۋىپسىزدىگىن كۋالاندىراتىن ۆەتەريناريالىق قۇجاتتارعا سايكەستىگىن; 2) زاڭنىڭ 8-بابىنىڭ 29) تارماقشاسىنا سايكەس بەكىتىلەتىن قازاقستان رەسپۋبليكاسىنىڭ اۋماعىندا ورنى اۋىستىرىلاتىن (تاسىمالداناتىن) وبەكتىلەردى تاسىمالداۋدى (ورنىن اۋىس­تىرۋدى) جۇزەگە اسىرۋ قاعيدالارىنا سايكەس جانۋارلاردى, جانۋارلاردان الىناتىن ونىمدەر مەن شيكىزاتتى تاسىمالداۋ كەزىندە ۆەتەريناريالىق-سانيتاريالىق تالاپتاردىڭ ساقتالۋىن; 3) تەحنيكالىق رەگلامەنتتەردىڭ تالاپتارىنا سايكەس جانۋارلاردان الىناتىن ونىمدەر مەن شيكىزاتتى قابىلداۋ, ساقتاۋ جانە ساتۋ كەزىندە ۆەتەريناريالىق-سانيتاريالىق تالاپتاردىڭ ورىندالۋىن; 4) ۆەتسانقاعيدالارعا سايكەس زەرتحانالاردا جانۋارلاردان الىناتىن ونىمدەر مەن شيكىزاتقا ۆەتەريناريالىق-سانيتاريالىق ساراپتاۋدى جۇزەگە اسىرۋ تارتىبىن; 5)ۆەتسانقاعيدالارعا جانە دەزقاعيدالارعا سايكەس ءۇي-جايلارعا, جابدىقتارعا, مۇكاممالعا دەزينفەكتسيا, دەزينسەكتسيا مەن دەراتيزاتسيا جۇرگىزۋدى ۇيىمداستىرۋىن; 6) بەرۋ قاعيدالارىنا سايكەس بەرىلگەن ۆەتەريناريالىق قۇجاتتاردى; 7) قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشىنىڭ 2014 جىلعى 19 جەلتوقسانداعى №16-04/679 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10131 تىركەلگەن) بەكىتىلگەن جانۋارلاردى وتكىزۋ قاعيدالارىنىڭ ساقتالۋىن; 8) تەحنيكالىق رەگلامەنتتەردە بەلگىلەنگەن جانۋارلاردان الىناتىن ونىمدەر مەن شيكىزاتتاردى وتكىزۋگە قويىلاتىن تالاپتاردىڭ ورىندالۋىن; 9) زاڭنىڭ 8-بابىنىڭ 46-11) تارماقشاسىنا سايكەس بەكىتىلەتىن بيولوگيالىق قالدىقتاردى كادەگە جاراتۋ, جويۋ قاعيدالارىنا سايكەس بيولوگيالىق قالدىقتاردى كادەگە جاراتۋدى نەمەسە جويۋدى جۇرگىزۋ شارتتارىنىڭ ورىندالۋىن; 10) قازاقستان رەسپۋبليكاسى اۋىل شارۋاشىلىعى ءمينيسترىنىڭ 2014 جىلعى 30 قازانداعى №7-1/559 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9891 تىركەلگەن) بەكىتىلگەن جانۋارلارعا جانە ادام دەنساۋلىعىنا ەرەكشە قاۋىپ توندىرەتىن جانۋارلار, جانۋارلاردان الىناتىن ونىمدەر مەن شيكىزاتتاردى مىندەتتى تۇردە الىپ قويۋ جانە جويۋ نە ولاردى الىپ قويماي مىندەتتى تۇردە زالالسىزداندىرۋ (زارارسىزداندىرۋ) جانە قايتا وڭدەۋ قاعيدالارىنا سايكەس ساپاسىز نەمەسە ادامداردىڭ ءومىرى مەن دەنساۋلىعىنا قاۋىپتى جانۋارلاردان الىناتىن ونىمدەر مەن شيكىزاتتى ساتۋدان الىپ تاستاۋىن تەكسەرەدى. 3. ەكسپورتتاۋشىلاردى (يمپورتتاۋشىلاردى) قوسا العاندا, جانۋارلار ءوسىرۋدى, جانۋارلاردى, جانە جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندەگى باقىلاۋ ناتيجەلەرىن باعالاۋ جانە رەسىمدەۋ 12. قازاقستان رەسپۋبليكاسىنىڭ ۆەتەريناريا سالاسىنداعى زاڭناماسى تالاپتارىنىڭ ساقتالۋىن تەكسەرۋ ناتيجەلەرى بويىنشا تەكسەرۋشى ۆەتەريناريالىق ينسپەكتور, ۆەتەريناريالىق دارىگەر تەكسەرۋ اكتىسىن جاسايدى. 13. باقىلاۋ وبەكتىلەرىن باقىلاۋدىڭ جانە قاداعالاۋدىڭ وزگە دە نىساندارىنىڭ ناتيجەلەرى بويىنشا قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىنىڭ تالاپتارىن بۇزۋشىلىقتار انىقتالعان جاعدايدا, تەكسەرۋشى ۆەتەريناريالىق ينسپەكتور, ۆەتەريناريالىق دارىگەر قازاقستان رەسپۋبليكاسى زاڭناماسى تالاپتارىنىڭ انىقتالعان بۇزۋشىلىقتارىنا قاراي نۇسقاما جاسايدى, دارا كاسىپكەرلىك سۋبەكتىسىن اكىمشىلىك جاۋاپتىلىققا تارتپاستان, وعان بۇزۋشىلىقتاردى جويۋ ءتارتىبىن مىندەتتى تۇردە تۇسىندىرە وتىرىپ, جانۋارلار مەن ادامنىڭ دەنساۋلىعىنا قاۋىپ توندىرەتىن جانۋارلاردى, جانۋارلاردان الىناتىن ونىمدەر مەن شيكىزاتتى الىپ قويۋ تۋرالى قاۋلى شىعارادى. 14. قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىنىڭ تالاپتارىن بۇزۋشىلىقتار انىقتالعان جاعدايدا, ۆەتەريناريالىق ينسپەكتور, ۆەتەريناريالىق دارىگەر تەكسەرۋ ناتيجەلەرى بويىنشا انىقتالعان بۇزۋشىلىقتاردىڭ سيپاتىنا قاراي ءوز قۇزىرەتى شەگىندە نۇسقاما جاسايدى, اكىمشىلىك جازا قولدانۋ تۋرالى قاۋلى شىعارادى. 15. تەكسەرۋ اكتىسى ءۇش (قازاقستان رەسپۋبليكاسىنىڭ ۆەتەريناريا سالاسىنداعى زاڭناماسىنىڭ تالاپتارىن بۇزۋشىلىقتار انىقتالعان جاعدايدا – ءتورت) دانادا جاسالادى جانە تەكسەرۋ جۇرگىزگەن ءتيىستى اۋماقتىڭ ينسپەكتورى, ۆەتەريناريالىق دارىگەرى قول قويادى. تەكسەرۋ اكتىسىنىڭ ءبىرىنشى داناسىن تەكسەرۋشى ۆەتەريناريالىق ينسپەكتور, ۆەتەريناريالىق دارىگەر قۇقىقتىق ستاتيستيكا جانە ارنايى ەسەپكە الۋ سالاسىندا ءوز قۇزىرەتى شەگىندە ستاتيستيكالىق قىزمەتتى جۇزەگە اسىراتىن مەملەكەتتىك ورگانعا جانە ونىڭ اۋماقتىق ورگاندارىنا تاپسىرادى, ەكىنشى داناسى تەكسەرىلەتىن ادامعا قولىن قويعىزىپ بەرىلەدى, ءۇشىنشى داناسى تەكسەرۋشى ينسپەكتوردا, ۆەتەريناريالىق دارىگەردە قالادى, ال ءتورتىنشىسى سوتقا تالاپ قويۋدى ۇسىنۋ ءۇشىن ءتيىستى اۋماقتىڭ ۆەتەريناريالىق ينسپەكتورىنا, ۆەتەريناريالىق دارىگەرىنە بەرىلەدى. تەكسەرىلەتىن ادام اكتىنى قابىلداۋدان باس تارتقان جاعدايدا, اكتىنىڭ ءتيىستى داناسى وعان پوچتامەن جىبەرىلەدى. مەملەكەتتىك ۆەتەريناريالىق-سانيتاريالىق باقىلاۋ جانە قاداعالاۋ اكتىسى نومىرلەنگەن, تىگىلگەن جانە ۋاكىلەتتى ورگاننىڭ ۆەدومستۆاسىنىڭ اۋماقتىق بولىمشەلەرىنىڭ, ۆەتەريناريا سالاسىنداعى قىزمەتتى جۇزەگە اسىراتىن مەملەكەتتىك ورگانداردىڭ ۆەتەريناريالىق بولىمشەلەرىنىڭ مورىمەن بەكەمدەلگەن تەكسەرۋ اكتىلەرىن تىركەيتىن ارنايى جۋرنالدا تىركەلەدى. 16. ەكسپورتتاۋشىلاردى (يمپورتتاۋشىلاردى) قوسا العاندا, جانۋارلار ءوسىرۋدى, جانۋارلاردى, جانۋارلاردان الىناتىن ونىمدەر مەن شيكىزاتتى دايىنداۋدى (سويۋدى), ساقتاۋدى, قايتا وڭدەۋدى جانە وتكىزۋدى جۇزەگە اسىراتىن ءوندىرىس وبەكتىلەرىندە تەكسەرىس جۇرگىزگەن كەزدە زەرتحانالىق زەرتتەۋلەر جۇزەگە اسىرىلعان, سونداي-اق جانۋارلاردىڭ, جانۋارلاردان الىناتىن ونىمدەر مەن شيكىزاتتىڭ ۆەتەريناريالىق نورماتيۆتەرگە سايكەستىگى ايقىندالعان جاعدايدا تەكسەرۋ اكتىسىنە «ساراپتاما اكتىسىن (سىناق حاتتاماسىن) بەرۋ قاعيدالارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 16 قاڭتارداعى №7 -1/19 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10410 تىركەلگەن) سايكەس بەرىلگەن ساراپتاما اكتىسى (سىناق حاتتاماسى) بەرىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 9 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11608 بولىپ ەنگىزىلدى.